Shumë vende të botës si Rusia, Japonia, Britania, Franca, Polonia etj., kanë shprehur në forma të ndryshme ngushëllime për viktimat dhe dëmet që shkaktoi tërmeti i së shtunës në Sichuan, si dhe kanë shprehur dëshirën për ofrimin e ndihmave.

Presidenti i Rusisë Vladimir Putin shprehu ngushëllime të shtunën për viktimat, duke shtuar se vendi i tij është i gatshëm të ofrojë ndihma në lehtësimin e kësaj katastrofe. Autoritetet ruse kanë bërë të ditur se Rusia është në gjendje të ofrojë grupe kërkim-shpëtimi dhe furnizime të tjera.

Sekretari i Punëve të Jashtme të Britanisë së Madhe William Hague, shprehu të shtunën në emër të qeverisë britanike ngushëllime të thella për të gjithë të prekurit nga tërmeti. Ai tha se nëpërmjet konsullatës britanike në Chongqing, qeveria britanike po mban kontakte të ngushta me organet lokale, si dhe do të vazhdojë t'i kushtojë vëmendje gjendjes së zonës së prekur nga tërmeti.

Njëkohësisht Shoqata e Kryqit të Kuq njoftoi se po përgatit materiale për transportim në zonën e prekur.

Presidenti polak Bronislav Komorovski shprehu gjithashtu ngushëllime të thella, si dhe shprehu gatishmërinë e Polonisë për t'i ofruar Kinës të gjithë ndihmën e nevojshme. (Vera/Albana)