Deri në orën 18:10 të së shtunës, tërmeti prej 7.0 ballësh sipas shkallës rihter që ra në distriktin Lushan të qytetit Ya'an të provincës Sichuan të Kinës jugperëndimore ka shkaktuar 124 viktima dhe mbi 3300 të plagosur. Pas tërmetit të fuqishëm, gjatë 10 orëve janë ndjerë dhe 627 pasgoditje në zonën e prekur.　

Aktualisht, kryeministri kinez Li Keqiang ndodhet në epiqendrën e tërmetit në komunën Longmen për të drejtuar punën e shpëtimit. 　

Ndërkohë, forcat e policisë vendore njoftojnë se mbi 4500 policë po i dedikohen punës së shpëtimit dhe 60 makineri e automjete janë vënë në punë për pastrimin e rrënojave. Deri tani kanë arritur të shpëtohen me sukses një grua dhe një fëmijë.

(Çan Jean/Albana)