Siç mësohet nga Drejtoria Sizmologjike e Provincës Si Chuan të Kinës jugperëndimore, deri tani, janë konfirmuar 102 veta të vdekur në tërmetin e rënë në paraditën e të shtunës. Kurse, ende nuk dihet qartë numri i të plagosurve.

Deri në orën 3 të pasditës të të shtunës, kanë rënë edhe 38 tërmete të vogla mbi 3 ballë të shkallës së rihterit.

Kryetari i shtetit dhe kryetari i Komitetit Qendror Ushtarak të vendit Xi Jinping dha urdhrin forcës ushtarake dhe të policëve të armatosur të përpiqen ti shpëtojnë banorët e prekur në tërmet dhe të ndihmojnë në trajtinimin e pasojave pas fatkeqësive brenda mundësive që kanë.

Ndërkohë, shtabi i përgjithshëm i Ushtrisë Çlirimtare të Popullit bëri të ditur se deri në orën 4 të pasditës së të shtunës, mbi 7400 ushtarë dhe policë të armatosur po marrin pjesë në punën e shpëtimit në zonën e prekur nga tërmeti. Mbi 10 mijë të tjerë janë në përgatitje për të nisen për në zonat përkatëse sipas kërkesës vendore.

1 2