Kryeministri kinez Li Keqiang u shpreh të enjten në Pekin se qeveria kineze i kushton shumë rëndësi shëndetit publik dhe po ndjek nga afër të gjitha zhvillimet mbi virusin H7N9.

Ai u bëri thirrje autoriteteve përkatëse që të sigurojnë mjekimin në kohë të çdo të prekuri me këtë virus.

Po të njëjtën ditë, shefi i qeverisë kineze u takua me shefen e Federatës Ndërkombëtare të Planifikimit Familjar Naomi Seboni dhe me drejtorin e përgjithshëm të kësaj federate Tewodros Melesse.

Naomi Seboni pasi vlerësoi Kinën për arritjet në sektorin e shëndetit publik shprehu edhe gatishmërinë për thellimin e bashkëpunimit me Kinën. (Du/Albana)