Komisioni i Shëndetësisë dhe Planifikimit Familjar i Shangait raportoi të mërkurën se është zbuluar një rast i ri me virusin H7N9. Deri tani, në Shangai janë regjistruar gjithsej 31 raste të infektuar nga virusi H7N9, ku ndër to 11 viktima, 16 raste janë në trajtim e sipër dhe 4 persona janë shëruar.

Raportohet se rasti i ri është një i moshuar 89-vjeçar. Ai paraqiti shenja gripi dhe ethe më 12 prill dhe pas analizave të ndryshme u diagnostikua me gripin e shpendëve H7N9. Aktualisht, i moshuari ndodhet në spital për trajtim. Nga hetimet rezulton se 89-vjeçari ka patur kontakte me 9 persona, të cilët nuk kanë paraqitur shenja të infektimit me këtë virus. (Fang Xiaoyu/Albana)