Një vajzë shtatë vjeçare nga Pekini, e cila ishte infektuar me virusin H7N9, duke shënuar rastin e parë në kryeqytetin kinez, la të mërkurën spitalin, pasi u shërua plotësisht, njoftuan autoritetet.

Pas kryerjes së katër testeve në spitalin Ditan, ajo rezultoi negative për virusin H7N9, sqaruan burimet nga Zyra për Shëndetin e Bashkisë së Pekinit.

Ajo u lejua të largohej nga spitali pasi parametrat e shëndetit ishin sipas standardeve të përcaktuara. Gjithashtu u ndërpre edhe mbikqyrja mjekësore për prindërit e saj, personat e vetëm me të cilët vajza ka pasur kontakte të afërta. (Ardi Pulaj)