Kina kundërshtoi nëpërmjet zëdhënësit të Ministrisë së Jashtme, Hong Lei, veprimet e njëanshme të Tokios në lidhje me ishujt Diaoyu, duke iu refereuar një marrëveshje për peshkimin mes Japonisë dhe Tajvanit në një territor që është nën sovranitetin e Kinës.
Sipas marrëveshjes së firmosur të mërkurën, anijet tajvaneze do të lejohen të peshkojnë në ujrat pranë ishujve Diaoyu.
Hong tha se Kina dhe Japonia kanë nënshkruar traktatin për peshkimin në vitin 1997.
"Ne i bëjmë thirrje palës japoneze të trajtojë siç duhet çështjet që lidhen me Tajvanin, në bazë të principeve dhe frymës së Deklaratës së Përbashkët mes Kinës e Japonisë", tha Hong Lei. (Ardi Pulaj)