Zëdhënësi i Ministrisë së Jashtme të Kinës Hong Lei u shpreh në një konferencë shtypi të enjten se Pekini u bën thirrje palëve përkatëse të respektojnë aspiratën e bashkësisë ndërkombëtare dhe të mos ndërmarrin veprime që mund të përshkallëzojnë më tej gjendjen e nderë në Gadishullin Korean.

I pyetur se cili do të jetë reagimi i palës kineze nëse Pheniani lëshon një tjetër raketë, z. Hong Lei tha se bashkësia ndërkombëtare po i kushton vëmendje të madhe gjendjes në Gadishullin Korean. Sipas tij, mbrojtja e paqes dhe e stabilitetit në këtë gadishull është aspirata e gjithë bashkësisë ndërkombëtare dhe palët përkatëse duhet të veprojnë për përmirësimin e gjendjes së nderë aty. (Du/Artani)