Ushtria jugkoreane deklaroi të mërkurën se ka sinjale gjithnjë e më të dukshme që Koreja e Veriut mund të lëshojë disa raketa të tipave të ndryshëm njëkohësisht. Për këtë arsye, Koreja e Jugut dhe ShBA-ja kanë nisur monitorimin e përbashkët. Nga ana tjetër, edhe policia jugkoreane ka ngritur nivelin e alarmit për sulme terroriste, i cili do të qëndrojë në fuqi deri në fund të prillit.

Sipas ushtrisë jugkoreane, përveç dy raketave me rreze të mesme të dislokuara në rajonin Kangwon, janë vërejtur edhe disa mjete në Hamgyongun Jugor që përdoren për të lëshuar raketa. Këto mjete mund të përdoren për të lëshuar dy lloje raketash, me rreze që shkon nga 300 deri në 1500 kilometra.

Ndërkohë, policia jugkoreanë do të forcojë kontrollin në institucionet shtetërore, ambasadat dhe institucione të tjera të huaja, vendet publike, si stacionet e metrosë etj., për të parandaluar sulmet e mundshme terroriste ose provokimet.

(Çan Jean/Artani)