Friday  Apr 4th   2025  
PËR NE  VEND PUNE
      
cri albanian.cri.cn
Faqja e parë | Lajme | Kina Sot | Fokus ekonomik | Kultura | Kozmopolit | Shëndeti | Fjala në Lajm | Koment për RJK Muzikë | Revista "Ejani"
Xi, thirrje për paqe e bashkëpunim
2013-04-07 18:54:33 CRI Komenti juaj Printoni
Presidenti Xi Jinping tha se Kina do të japë kontributin e saj për paqen e zhvillimin e Azisë dhe botës.

Gjatë një fjalimi të dielën në Forumin e Boaos për Azinë, në provincën jugore Hainan, Xi bëri thirrje që bota të kontribuojë për ruajtjen e paqes, pasi një gjë e tillë do të ndihmojë zhvillimin e përbashkët.

Presidenti tha se zhvillimi i Kinës do të sjellë përfitime të mëdha për të gjithë globin. Sipas tij, sa më shumë të zhvillohet vendi, aq më shumë mundësi do të krijohen për Azinë e botën.

"Vendet e Azisë dhe shtetet e tjera duhet të luajnë një rol konstruktiv për të siguruar stabilitetin e zhvillimin e rajonit. Vendet joaziatike duhet të respektojnë diversitetin tonë dhe traditën e gjatë të bashkëpunimit", tha Xi.

Presidenti gjithashtu premtoi se Kina do të promovojë lehtësimin e liberalizimin e tregtisë e investimeve si dhe do të zbulojë rrugë të reja të bashkëpunimit me vendet e tjera.

Xi u shpreh se Kina do të vijojë të trajtojë në mënyrën e duhur mosmarrëveshjet me shtetet e tjera.

Sipas tij, duke ruajtur sigurinë dhe integritetin territorial, vendi do të ruajë marrëdhëniet e mira me fqinjët, për të garantuar stabilitetin e rajonit.

Fjalimi i kreut të shtetit kinez në Boao ishtë vijimësi e atij për "Ëndrrën kineze", që bazohet te ringritja e kombit dhe të ruajtja e paqes e prosperitetit.

Forumi i Boaos, një nga më të mëdhenjtë, këtë vit ka moton "Azia në kërkim të zhvillimit për të gjithë; ristrukturim, përgjegjësi e bashkëpunim. Në të marrin pjesë 2500 personalitete nga e gjithë bota.

Forumi është një organizatë ndërkombëtare joqeveritare dhe është themeluar në vitin 2001.

Në fokusin e tij janë promovimi i integrimit ekonomik rajonal dhe bashkimi i përpjekjeve të vendeve aziatike në rrugën drejt zhvillimit të përbashkët. (Ardi Pulaj)

Mrekulli
E hënë
E martë
E mërkurë
E enjte
E premte
E shtunë
E diel
Komenti im
Forum

Sondazh me dëgjuesit për dy sesionet e vitit 2015 në Kinë

Voto tani, shijo falas më vonë

Sondazh me dëgjuesit për dy sesionet e vitit 2015 në Kinë

Voto tani, shijo falas më vonë
Artikuj top
Rubrika top
China Radio International.CRI. All Rights Reserved.
16A Shijingshan Road, Beijing, China