Sekretari amerikan i Mbrojtjes Chuck Hagel zhvilloi të mërkurën një bisedë telefonike me homologun e vet koreanojugor Kim Kwang Jin. Hagel e Kim shkëmbyen mendime lidhur me gjendjen në Gadishullin Korean pas shpalljes nga Koreja e Veriut të futjes së trupave të saj në gjendje gatishmërie luftarake dhe ndërprerjes së linjës telefonike të komunikimit me palën koreanojugore. Të dy krerët e mbrojtjes ishin të mendimit se forcimi i koalicionit amerikano-koreanojugor është i rëndësishëm për stabilitetin në Gadishullin Korean dhe vendosën të forcojnë konsultimet dhe bashkërendimin për të përballuar "agresionin" koreanoverior.

Shefi i Pentagonit theksoi se ShBA-ja e ka "detyrim të palëkundur" mbrojtjen e sigurisë së Koresë së Jugut. Ai bëri të ditur se Uashingtoni ka vendosur të instalojë sistemin e interceptimit të raketave dhe radarë të paralajmërimit të hershëm në Bregun Perëndimor të Shteteve të Bashkuara për të përballuar kërcënimin me raketa nga Pheniani.

(Yin Xiao/Artani)