Serbia synon të lidhë kryeqytetin e saj Beogradin me qytetin port të Greqisë, Selanikun, në rrugë ujore me gjatësi prej 655 km, tha të mërkurën ministrit i Burimeve Natyrore Milan Baçeviç.

Duke folur për televizionin B92, Baçeviç tha se ekonomia nuk mund të zhvillohet me projekte të vogla. "Serbisë i duhen projekte të mëdha," shtoi ministri.

Ideja e lidhjes së Beogradit me Detin Egje nëpërmjet sistemit të kanaleve të Danubit, ekziston prej më shumë se 150 vjetësh.

Deklaratat e ministrit erdhën pas arritjes së një marrëveshjeje me 'China Gezhouba Group' që do të kryejë pa pagesë, studimin e fizibilitetit.

Rezultatet e para të studimit do të dalin pas dy muajsh. (Leftion Peristeri)