Komanda Supreme e ushtrisë koreanoveriore njoftoi të martën se batalionet e artilerisë së rëndë dhe raketat strategjike janë vendosur në vijën e parë të luftës dhe në shënjestër kanë Shtetet e Bashkuara të Amerikës dhe Korenë e Jugut.

"Batalionet janë të gatshme të sulmojnë baza në zemër të SHBA-ve, në Hauai e Guam dhe zona të tjera operative në Paqësor. Gjithashtu në shënjestër janë edhe objektivat armike në Korenë e Jugut", thuhej në deklaratën e komandës, të publikuar nga agjencia zyrtare e lajmeve, KCNA.

"Ne do të demonstrojmë me veprime ushtarake praktike se do të kundërpërgjigjemi për të mbrojtur sovranitetin e dinjitetin e lidershipit suprem të vendit", shkruhej në deklaratë. (Ardi Pulaj)