Grupet e të drejtave të njeriut thanë se dhuna për shkak të racizmit në Greqi po rritet, teksa sulmet ndaj emigrantëve po arrijnë nivele alarmante.

"Rrjeti i Dokumentimit të Rasteve të Racizmit" deklaroi se problemet ekonomike të vendit kanë ndikuar në shtimin e rasteve.

Një sulm ndaj një grupi afganësh ndodhi disa ditë më parë para shtëpive të tyre.

Sipas dëshmive, sulmuesit mendohet se i përkasin ekstremistëve djathtistë të "Agimit të Artë", të cilët edhe më parë janë përfshirë në episode të ngjashme dhune. (Ardi Pulaj)