Kryetari i shtetit i Kinës Xi Jinping, që ndodhet në Moskë për një vizitë zyrtare, dhe presidenti i Rusisë Vladimir Putin morën pjesë në ceremoninë e fillimit të "Vitit të turizmit të Kinës" në Rusi, të zhvilluar të premten në Kremlin.
Duke theksuar rolin e rëndësishëm të bashkëpunimit kulturor në kuadrin e marrëdhënieve të partneritetit strategjik kino-rus, presidenti Putin u shpreh se vitet e fundit të dyja vendet kanë zhvilluar me sukses një sërë veprimtarish, si "Viti i gjuhës" dhe "Viti i turizmit i Rusisë" në Kinë, kanë thelluar njohjen e besimin ndërmjet të dy popujve dhe kanë forcuar bazën shoqërore të marrëdhënieve dypalëshe.
Z. Xi Jinping tha në fjalën e vet në ceremoni se zgjerimi i bashkëpunimit kino-rus në fusha të ndryshme do të jetë fokusi i punës së të dy vendeve në të ardhmen. Turizmi është një mjet për transmetimin e qytetërimeve, një urë për shkëmbimet ndërmjet kulturave dhe një faktor për nxitjen e miqësisë. Kina është një vend me qytetërim të lashtë dhe me burime të pasura turistike, vuri në dukje z. Xi, duke shpresuar se të dyja palët do ta shfrytëzojnë "Vitin e turizmit" si një pikënisje për thellimin e bashkëpunimit strategjik kino-rus. (Wang Xianya/Artani)