Zëdhënësi i Komandës së Lartë të Ushtrisë Popullore koreanoveriore deklaroi të enjten se Koreja e Veriut do t'u bëjë ballë kërcënimeve bërthamore të SHBA-së me sulme më të fuqishme bërthamore, duke shtuar se Peniani nuk flet pa baza.

Duke folur për dislokimin e avionit amerikan bombardues B-52 dhe nëndetëses bërthamore në Korenë e Jugut, ai deklaroi që ushtria dhe populli koreanoverior nuk do të frikësohet nga kërcënimet amerikane, duke kujtuar se bazat ku gjenden avioni bombardues dhe nëndetësja amerikane ndodhen brenda rrezes së raketave bërthamore të Koresë së Veriut.

Ky zëdhënës u shpreh gjithashtu se meqenëse SHBA-ja ka nisur kërcënimin bërthamor, Koreja e Veriut do të futet në veprimet përkatëse ushtarake.

Më 11 mars Koreja e Jugut dhe SHBA-ja nisën zyrtarisht manovrën ushtarake "Key Resolve", ku morën pjesë avionët luftarakë F-22, bombarduesi B-52 dhe anijet Larson dhe Fitzgerald. (Jiang Lei/Albana)