Gjatë takimit, Tang Jiaxuan u shpreh se zgjidhja e krizës mbi ishujt Diaoyu është pengesa më e madhe midis Kinës dhe Japonisë. Ai shtoi se Japonia duhet të trajtojë si duhet historinë dhe realitetin si dhe nëpërmjet negociatave me palën kineze të kërkojnë bashkërisht gjetjen e një zgjidhjeje.
"Kina dhe Japonia historikisht kanë qenë fqinjë të rëndësishëm, ndaj për Pekinin ka rëndësi të madhe ruajtja e bashkëpunimit dhe miqësisë me Tokion.
Pekini shpreson se nga ky takim mund të thellohen shkëmbimet në fushat ekonomike dhe kulturore midis dy vendeve, për të përmirësuar gjendjen aktuale midis Kinës dhe Japonisë," shtoi Tang Jiaxuan.
Për këtë, pala japoneze u shpreh se Tokio është i gatshëm të thellojë shkëmbimet dhe bashkëpunimin në fusha të ndryshme si ekonomiko-tregtare dhe kulturore me Pekinin, me qëllim kthimin e marrëdhënieve kino-japoneze në rrugën e duhur. (Yin Xiao/Albana)
