Ministria e Jashtme e Kinës deklaroi të enjten se asnjë fuqi e huaj nuk mund të bëjë presion ndaj vullnetit dhe vendosmërisë së qeverisë kineze për të mbrojtur sovranitetin territorial.

Zëdhënësi Hong Lei i bëri komentet pas njoftimeve mediatike se Japonia dhe Shtetet e Bashkuara kanë filluar një operacion të përbashkët për të hartografuar ishujt Diaoyu dhe gjithë Detin e Kinës Lindore.

"Kina është tepër e shqetësuar nga këto raportime," tha Hong, duke përsëritur se ishujt Diaoyu janë territor i Kinës.

Qeveria kineze i ka të gjitha mundësitë për të ruajtur sovranitetin territorial, tha zëdhënësi. (Leftion Peristeri)