Guvernatori i Bankës Qendrore të Kinës, Zhou Xiaochuan tha të mërkurën se vendi do të ruajë stabilitetin ekonomik e do të vijojë me strategjitë e favorshme, pavarësisht se kush do të jetë në krye të këtij institucioni.

I pyetur nëse do të ishte guvernator edhe për një mandat të tretë, Zhou tha se do të ndiqen procedurat e përcaktuara.

"Unë nuk jam në gjendje t'i përgjigjem kësaj pyetjeje. Deri tani, nuk kam asnjë ide për këtë çështje", tha Zhou gjatë një konference për shtyp në kuadër të punimeve të Asamblesë Kombëtare Popullore.

Deklarata erdhi disa ditë përpara se rreth 3000 ligjvënës do të votojnë për të zgjedhur udhëheqësit e rinj të shtetit dhe të organeve administrative dhe juridike. (Ardi Pulaj)