Ditët e fundit, këshilltari për çështjet e sigurisë kombëtare i presidentit amerikan Barak Omaba, Tomas Donilon, u shpreh se pala amerikane mirëprit ngritjen e një Kine paqësore dhe të lulëzuar. Lidhur me këtë koment, zëdhënësja e Ministrisë së Jashtme të Kinës Hua Chunying u shpreh në Pekin se pala kineze e përshëndet qëndrimin e z. Donilon, si dhe dëshiron të bashkëpunojë me palën amerikane për të kërkuar rrugë të reja në marrëdhëniet e tipit të ri midis dy vendeve të mëdha.

Lidhur me shqetësimin e shprehur nga Doniloni për sigurinë në internet, zëdhënësja Hua vuri në dukje se Kina bën pjesë në grupet e prekshme sa i përket sigurisë në internet dhe ka vuajtur mjaft nga sulmet kibernetike. Në hapësirën e internetit, nuk duhet luftë, por bashkëpunim dhe rregulla, tha ajo, duke shtuar se Pekini dëshiron që, nisur nga respekti dhe besimi i ndërsjellë, të zhvillojë dialog konstruktiv dhe bashkëpunim me komunitetin ndërkombëtar, duke përfshirë edhe SHBA-në, për të ruajtur së bashku paqen, sigurinë, hapjen dhe bashkëpunimin në hapësirën kibernetike.(Vera/Artani)