Punonjësit e Ministrisë së Kulturës së Greqisë zhvilluan të hënën një grevë 24-orëshe për të protestuar ndaj masave shtrënguese të ndërmarra nga qeveria, që kanë sjellë mbylljen e pikave turistike kryesore, përfshirë edhe Akropolin e Athinës.

Zv/ministri i kulturës Kostas Tzavaras deklaroi se qeveria ka ndërmarrë masa drastike, përfshirë uljen e rrogave e zvogëlimin e numrit të punonjësve të administratës publike dhe është e pamundur të ketë kthim pas.

Sipas tij, masat janë të nevojshme për përfitimin e ndihmës financiare ndërkombëtare.

Protesta u zhvillua para godinës së Ministrisë së Kulturës, ndërsa punonjësit paralajmëruan një tjetër grevë të enjten. (Zhan Dian/ Ardi Pulaj)