Komiteti i Përhershëm i Asamblesë Popullore Kombëtare të Kinës (APK) do të nxisë në mënyrë të gjithanshme zhvillimin e shtetit ligjor dhe do të forcojë mbikëqyrjen ndaj organeve e institucioneve shtetërore, në mënyrë që ato të funksionojnë në bazë të ligjit. Kështu theksoi kryetari i Komitetit të Përhershëm të APK-së Wu Bangguo në raportin e punës të mbajtur në mbledhjen e rregullt vjetore të këtij komiteti të premten në Pekin

Kryeligjvënësi kinez u shpreh se, gjatë pesë vjetëve të legjislaturës së kaluar të APK-së, detyra kryesore ka qenë forcimi i kontrollit ndaj punëve lidhur me ekonominë, jetën e popullit dhe drejtësinë. Për sa i përket legjislacionit, z. Wu u shpreh se që nga viti 2010, kur u formua sistemi ligjor i socializmit me karakteristika kineze, u krijua gjithashtu baza ligjore për punën e qeverisë në fusha të ndryshme.

Gjatë pesë vjetëve të ardhshëm, Komiteti i Përhershëm i APK-së do të vazhdojë punën e shqyrtimit të ligjeve të ndryshme, si të ligjit të buxhetit, të markave tregtare dhe të mbrojtjes së mjedisit. (Wang Xianya/Artani)