Kina ka zhvilluar kërkime për ujërat nëntokësore për të përcaktuar burimet e ndotjes, tha të enjten një zyrtar i lartë i agjencisë së planifikimit.

Gjatë punimeve të Asamblesë Popullore Kombëtare, Du Ying, zëvendësdrejtor i Komisionit Kombëtar të Zhvillimit dhe Reformës, u tha gazetarëve se ndotja e ujërave nëntokësore është një problem jo vetëm i qyteteve por edhe i zonave rurale.

Shumë kinezë u zëmëruan kur mësuan se disa kombinate kimikatesh kishin shkarkuar ilegalisht mbetje toksike në provincën Shandong, duke rrezikuar ndotjen e ujërave nëntokësore.

Du tha se qeveria qendrore dhe qeveritë vendore kanë vendosur që të hetojnë rastet e ndotjes së ujërave nëntokësore.

Sipas të dhënave zyrtare, një e pesta e ujit të pijshëm të Kinës, gjenerohet nga burimet nëntokësore. (Leftion Peristeri)