Zëdhënësja e sesionit të parë të legjislaturës së 12-të të Asamblesë Kombëtare Popullore, Fu Ying deklaroi të hënën se Kina ka krijuar strukturat dhe sistemin e mbikqyrjes së buxhetit, por mbetet ende për t'u përmirësuar administrimi i borxheve të autoriteteve lokale.

Fu Ying u tha gazetarëve se vendosja e çdo zëri në buxhet është prioritet, në mënyrë që fondet të kalojnë përmes një sistemi mbikëqyrjeje, që është një masë e rëndësishme e administrimit sipas ligjit.

Aktualisht është formuar në Kinë sistemi kornizë i mbikëqyrjes, por menaxhimi i kapitaleve shtetërore dhe buxheti i fondeve të sigurimeve shoqërore duhet të përmirësohen më tej.

Sipas Fu Ying, përveç këtyre, mungon edhe administrimi e mbikëqyrja efektive e borxheve të qeverive lokale. (Vera/ Ardi Pulaj)