Kina do të shpejtojë rishikimin e ligjeve dhe mbikqyrjen e zbatimit të tyre për të goditur korrupsionin, tha të hënën Fu Ying, zëdhënëse e sesionit vjetor të Asamblesë Kombëtare Popullore të Kinës.

Sipas saj, organi më i lartë legjislativ i Kinës, Asambleja dhe komiteti i përhershëm i saj vitet e fundit kanë bërë shumë përpjekje për të përmirësuar ligjet për dënimin dhe parandalimin e korrupsionit.

"Asambleja ka hartuar ose rishikuar ligjin penal, atë të ngritjes së padive, ligjin kundër pastrimit të parave etj., dhe ka rritur masat e kontrollit ndaj qeveritarëve", tha Fu. (Çan Jean/ Ardi Pulaj)