Zëdhënësi i Ministrisë së Mbrojtjes të Kinës Geng Yansheng u shpreh të enjten në Pekin se pala japoneze ka ndjekur dhe mbikëqyrur nga afër për një kohë të gjatë anijet dhe aeroplanët kinezë që kanë ushtruar lundrime ose fluturime të rregullta në zonat detare përkatëse. Sipas tij, pikërisht një gjë e tillë është shkaku kryesor i problemeve të sigurisë detare mes Kinës dhe Japonisë.

Geng Yansheng i tha këto në një konferencë shtypi të organizuar nga Ministria e Mbrojtjes. Ai shtoi se pala kineze i kushton gjithmonë rëndësi problemit të sigurisë detare dhe nuk dëshiron ndodhjen e incidenteve detare. Por udhëheqësit japonezë bëjnë herë pas here deklarata provokuese, duke synuar një përballje të armatosur. Kina shpreson se Tokioja do të ndreqë shprehjet dhe veprimet e gabuara dhe do të marrë masa konkrete për të krijuar kushte për përmirësimin e marrëdhënieve dypalëshe. (Vera/Artani)