Një institut i pavarur për kërkimet ekonomike në Bazel të Zvicrës publikoi një studim, duke paralajmëruar se nëse Bashkimi Evropian vendos gjoba ndëshkuese për produktet fotovoltaike të Kinës, kjo do të ndikojë te konsumatorët europianë, ndërkohë që 242 mijë persona do të mbeten pa punë.

Instituti e bëri studimin pas kërkesës së një shoqate që përfaqëson mbi 180 kompani të produkteve fotovoltaike, ndërsa rezultatet e tij u publikuan në Komisionin Europian të martën.

Brukseli nisi në shtator dhe në nëntor të vitit të kaluar hetimet për anti-dumping të mundshëm te produktet fotovoltaike të Kinës, që kapin një vlerë prej rreth 21 miliardë juanësh.

Afati i fundit për publikimin e hetimeve të Komisionit Europian është në qershor të këtij viti. (Yin Xiao/ Ardi Pulaj)