Zëdhënësi i Ministrisë së Jashtme iraniane Mechman Palasite u shpreh të martën se, nëse gjashtë vendet (ShBA-ja, Britania e Madhe, Franca, Rusia, Kina dhe Gjermania) pranojnë të drejtën e Iranit për zhvillimin e energjisë bërthamore, Teherani do të ishte i gatshëm të arrinte një marrëveshje mbi problemin bërthamor me këto gjashtë vende.

Lidhur me çështjen nëse Irani do të zhvillojë bisedime të drejtpërdrejta me ShBA-në, zëdhënësi i diplomacisë iraniane theksoi që, nëse Uashingtoni e dëshiron një gjë të tillë, duhet të pranojë të drejtën e Iranit për energji bërthamore dhe ndalojë ndërhyrjen dhe agresionin.

Raundi i ri i bisedimeve mbi problemin bërthamor të Iranit do të nisë më 26 shkurt në Alma-Ata të Kazakistanit. Vitin e kaluar bisedimet e zhvilluara në Moskë nuk patën sukses, e po ashtu edhe bisedimet e sivjetshme midis Iranit dhe Organizatës Ndërkombëtare të Energjisë Atomike nuk arritën ndonjë progres thelbësor.(Zhan Dian/Artani)