Tashmë udhëtimet jashtë vendit gjatë Vitit të Ri Kinez janë bërë një nga mënyrat e kremtimit të festës. Shoqëria e kartave bankare "ChinaUnion Pay" publikoi të shtunën statistikat më të fundit, të cilat tregojnë se, gjatë pushimeve për festën e Vitit të Ri Kinez, nga 9 deri më 15 shkurt, vëllimi i përgjithshëm i transaksioneve nëpërmjet kartave të bankave anëtare të "China UnionPay" brenda dhe jashtë vendit është rritur përkatësisht me 43 dhe 33 % në krahasim me periudhën e festës gjatë vitit të kaluar.

ShBA-ja, Koreja e Jugut, Islanda, Hungaria, Japonia dhe një numër vendesh e rajonesh të tjera ofrojnë shërbimin e pagesës me kartat e kreditit të lëshuara nga bankat anëtare të "China UnionPay"-it. Gjatë periudhës së festës së sivjetshme këto vende e rajone patën një dyfishim të vëllimit të transaksioneve me këto karta. (Wang Xianya/Artani)