Liderët kinezë përcollën urimet e tyre për Vitin e Ri Hënor për popullin kinez që jeton brenda dhe jashtë vendit, për festën tradicionale të pranverës, që bie të shtunën.

Një pritje për festën u mbajt të premte në Pallatin e Madh të Popullit në Pekin.

Liderët e lartë si presidenti Hu Jintao dhe sekretari i përgjithshëm i KQ-së të PKK-së Xi Jinping, si edhe Wu Bangguo, Wen Jiabao, etj., iu bashkuan me dy mijë të ftuar.

Xi përcolli urime për kinezët brenda dhe jashtë vendit, si edhe falënderoi të huajt që janë përfshirë në zhvillimin e Kinës.

Kryeministri Wen Jiabao mbajti fjalimin me rastin e pritjes.

Janë arritur objektivat për zhvillimin ekonomik dhe shoqëror dhe perspektiva për Kinën është e shkëlqyer, tha Wen.

Ai gjithashtu parashtroi marrjen e masave për përparimin e reformës dhe hapjes, për të përmirësuar zhvillimin ekonomik dhe social të popullit gjatë vitit 2013.

Kryeministri nënvizoi rëndësinë e përpjekjeve për të siguruar një zhvillim të qëndrueshëm dhe të shëndetshëm ekonomik të vendit, si edhe stabilitet dhe harmoni sociale. (Leftion Peristeri)