Filluan sot në mbarë Kinën festimet për Festën e Pranverës. Tre shkurti përkon me ditën e Vitit të Ri të Vogël, sipas kalendarit hënor ose kalendarit bujqësor kinez. Nga ana tjetër, sot fillon lëvizja e madhe e kinezëve.

Siç njoftoi zëdhënësi i Ministrisë së Transportit He Jianzhong, parashikohet se rreth 88 milionë njerëz do të udhëtojnë po këtë ditë dhe autoritetet kanë siguruar 642 trena të përkohshëm dhe 860 mijë autobusë për të plotësuar nevojat e udhëtimit.

Përveç kësaj, janë hapur pika të ndryshme për blerjen e biletave të trenit ose të avionit, duke krijuar lehtësi për udhëtarët. (Wang Xianya/Leftion Peristeri)