Kina është në gatishmëri të lartë pasi Japonia ka përshkallëzuar situatën mbi ishujt Diaoyu, tha Ministria e Jashtme të mërkurën.

Zëdhënësi Hong Lei i bëri komentet pas raportimit të medieve të qëndrimit të ministrit japonez të Mbrojtjes, Itsunori Onodera, që tha të martën se pengimi i hyrjes së avionëve kinezë në hapësirën e ishujve Diaoyu, po trajtohet sipas standardeve ndërkombëtare.

"Kina e ka mbajtur shënim një qëndrim të tillë. Patrulla e kryer nga anijet dhe avionët e Kinës në ujërat dhe hapësirën ajrore të ishujve është një veprim normal për ushtrimin e juridiksionit," tha Hong.

Ai gjithashtu përsëriti kundërshtimin e Kinës ndaj avionëve dhe anijeve japoneze që hyjnë në ujërat dhe hapësirën ajrore të ishujve Diaoyu.

Marrëdhëniet ndërmjet Japonisë dhe Kinës janë përkeqësuar qëkur qeveria japoneze "bleu" një pjesë të ishujve Diaoyu në Detin e Kinës Lindore në vitin 2012. Kina këmbëngul se ishujt janë pjesë e pandarë e territorit të saj. (Leftion Peristeri)