Anijet kineze kanë nisur që prej shtatorit të vitit të kaluar patrullimin e rregullt në ujërat e ishujve Diaoyu, në kundërpërgjigje ndaj të ashtuquajturit "kontroll të vërtetë" të Japonisë mbi këta ishuj.

Në vitin 2012, pas mosmarrëveshjeve të Kinës me disa vende fqinje lidhur me ujërat territoriale dhe një numër ishujsh, flota e anijeve të mbikëqyrjes së mjedisit detar të Kinës u bë fokusi i vëmendjes së publikut. Gjatë një viti, si forca e zbatimit të ligjit në kufijtë detarë, kjo flotë ka luajtur një rol të rëndësishëm në drejtim të mbrojtjes së të drejtave detare, të hetimit dhe të trajtimit të çështjeve të përdorimit të detit në mënyrë të paligjshme, të mbrojtjes së mjedisit detar, të ruajtjes së rendit në det etj.

Shefi i njësisë së ishujve në Korpusin e Mbikëqyrjes Detare të Kinës Xei Hongyang deklaron se në të ardhmen do të forcohet zbatimi i ligjit në ishuj dhe patrullimet e anijeve kineze në to do të jenë më të rregullta. Gjithashtu, do të kryhet siç duhet detyra e mbrojtjes së ishujve të pabanuar. (Çang Çuo/Artani)