Komiteti Qendror i Partisë Komuniste të Kinës zhvilloi ditët e fundit bisedime me personalitete që nuk janë anëtare të PKK-së dhe dëgjoi këshillat e liderëve të partive të ndryshme, mbi situatën ekonomike dhe planet për vitin e ardhshëm në këtë fushë.
Sekretari i përgjithshëm i KQ-së të PKK-së Xi Jinping, vuri në dukje se Kina përballet me situatën e vështirë ekonomike globale, reformën dhe zhvillimin brenda vendit, ndaj bëri thirrje për t'u përqëndruar te zhvillimi shkencor dhe shpejtimi i ndryshimit të modelit të zhvillimit ekonomik.
"Ne shënuam progres në rritjen e qëndrueshme ekonomike, ristrukturimin, nxitjen e reformave dhe përmirësimin e jetesës së kinezëve", tha Xi Jinping, duke shtuar se Kina duhet të përgatitet gjithsesi për t'i bërë ballë çdo situate. (Çang Çuo/ Ardi Pulaj)