Mediet gjermane raportuan të dielën se ministrat e Financave të vendeve të Eurozonës zhvilluan në Paris një takim të fshehtë, ku diskutuan pakësimin e borxheve të Greqisë në vitin 2015.
Sipas gazetës gjermane "Welt am sonntag", vendet e Eurozonës dhe Banka Qendrore Europiane po marrin parasysh pakësimin e borxheve të shtetit helen, për ta inkurajuar Athinën që të realizojë masat shtrënguese dhe reformat strukturore.
Revista gjermane "Der Spiegel" njoftoi se Banka Qendrore Europiane dhe Fondi Monetar Ndërkombëtar mendojnë se do të jetë e paevitueshme pakësimi i borxhit të Greqisë.
Ministrat e Financave e Eurozonës morën vendim që të takohen përsëri të hënën, për të diskutuar nëse mund t'i ofrohet Greqisë një fond kredie prej mbi 30 miliardë eurosh. (Jiang Lei/Leftion Peristeri)