Irani kërkon rikthimin sa më parë të palëve përkatëse në tryezën e bisedimeve lidhur me problemin e tij bërthamor. Kështu u shpreh të enjten kryepërfaqësuesi iranian në këto bisedime Saed Jalili gjatë një takimi me ministrin e Jashtëm rus Sergei Lavrov. "Irani shpreson se gjashtë vendet përkatëse do të reagojnë shpejt lidhur me kërkesën e tij, duke njohur edhe të drejtën e vendit për shfrytëzimin e energjisë bërthamore për qëllime paqësore," tha Jalili.

Në qershorin dhe korrikun e sivjetshëm Irani dhe gjashtë vendet - ShBA-ja, Kina, Rusia, Gjermania, Britania dhe Franca - zhvilluan bisedime përkatësisht në Moskë dhe në Stamboll, por pa arritur ndonjë përparim.

(Çan Jean/Artani)