Statuti i ri i amenduar i Partisë Komuniste të Kinës, përfshin konceptin e zhvillimit shkencor bashkë me teorinë e Marksizëm-Leninizmit, idetë e Mao Ce Dunit, teorinë e Ten Hsiao Pinit dhe konceptin e "3 përfaqësimeve", si ideologjinë udhëzuese të partisë.
Thelbi i konceptit të zhvillimit shkencor është "i pari njeriu". Me zhvillimin e shpejtë të ekonomisë së Kinës, shteti me popullsinë më të madhe ka zgjidhur problemet e ushqimit dhe veshjesh-mbathjes. Por përveç kërkesave materiale, kinezët kanë tani më shumë kërkesa shpirtërore. Rishkrimi i Statutit të Partisë Komuniste të Kinës dhe futja e konceptit të zhvillimit shkencor, nuk është vetëm suksesi i krijimit të një teorie të re, por edhe tregon gjithashtu se partia ndodhet në një moment historik për të ndërtuar një shoqëri të begatë.
Në amendinin e Statutit të PKK-së të miratuar në Kongresin e 18-të, hyn për herë të parë zhvillimi ekologjik dhe shpjegohet se Partia Komuniste e Kinës do të "këmbëngulë në rrugën e zhvillimit, duke mbrojtur mjedisin".
Sipas statutit, zhvillimi ekologjik do të futet në procesin e zhvillimet ekonomik, politik, kulturor dhe shoqëror. Gjithashtu zhvillimi ekologjik përfshihet brenda konceptit të zhvillimit shkencor të përmendur nga sekretari i përgjithshëm Hu Jintao në raportin drejtuar Kongresit.
"Zhvillimi i civilizimit ekologjik, lidhet me lumturinë e popullit, me të ardhmen e kombit. Ai duhet të përbëjë përpjekjet për ndërtimin e një Kine të bukur, të mundësojë zhvillimin e vazhdueshëm të kombit kinez", tha Hu. (Zhan Dian/Leftion Peristeri)
