Në një rezolutë të miratuar në takimin e posaçëm të ministrave të Jashtëm të vendeve anëtare të Lidhjes Arabe të hënën në Kajro thuhet se kjo organizatë njeh "Koalicionin kombëtar sirian të opozitës dhe forcave revolucionare" si përfaqësuesin e ligjshëm të popullit sirian. Rezoluta u bën thirrje edhe organizatave të tjera rajonale dhe ndërkombëtare ta njohin këtë koalicion dhe të shtojnë komunikimin me të, si edhe u kërkon fraksioneve të tjera të opozitës siriane t'i bashkohen koalicionit.

Më parë po atë ditë edhe vendet e Këshillit të Bashkëpunimit të Gjirit bënë një deklaratë, ku shpallën se e njohin këtë koalicion opozitar si përfaqësues të ligjshëm të popullit sirian.

(Çan Jean/Artani)