Modernizimi i ushtrisë kineze dhe pajisja e saj me teknologjinë e përparuar të informacionit, janë ndër temat kyçe të përmendura nga sekretari i Përgjithshëm Hu Jintao, në raportin e tij drejtuar kongresit. Në fokus të raportit ishte edhe mbrojta e vendit nga sulmet kibernetike, sigurimin e hapësirës territoriale detare dhe hapësirën kozmike.

Ekspertët duke komentuar synimin e Kinës për pajisjen e ushtrisë me teknologjinë e informacionit brenda vitit 2020, theksojnë rëndësinë e shpejtimit të procesit.

Delegati i Kongresit Huang Changqiang, njëherësh profesor i Universitetit të Inxhinierik të Forcave Ajrore thotë se duhet shpejtuar reforma e përmirësimit të teknologjisë së informacionit duke bërë një transformim nga përdorimi i armëve tradicionale tek armët më të sofistikuara në botë. Profesori thotë se ndryshimet vijnë duke u mbështetur njerëzit e aftë.

Në raportin e tij, sekretari i përgjithshëm Hu Jintao përmendi veçanërisht se i "kushton vëmendje sigurimit të detit, hapësirës kozmike dhe të internetit". Kjo ka bërë jehonë të madhe brenda e jashtë vendit.

Mendohet se, tani Kina përballet me konflikte për ujërat detare të Detit Lindor dhe Detit Jugor.

Në këtë kuadër Kina është e vendosur të ndërtojë dhe forcojë mbrojtjen detare në plotësim të interesit madhor të mbrojtjes së sovranitetit territorial të vendit. (Zhan Dian/Leftion Peristeri)