Krahas ndërrimit të udhëheqjes politike, mediat e huaja fokusohen edhe te çështjet ekonomike të shpalosura gjatë Kongresit të 18-të të PKK-së.

Disa analistë theksojnë se reforma e sistemit ekonomik të Kinës do të ndikojë te ekonomia globale.

Agjencia amerikane e lajmeve "AP" thekson se Kina është para një pike kthese. Ekonomia drejtohet nga qeveria dhe me këtë model populli i saj ka dalë nga vafëria, ndërsa Kina është bërë një vend i fuqishëm ekonomikisht.

Por, sipas agjencisë, rritja ekonomike po përballet me kërcënimet nga jashtë, siç është situata e vështirë e ekonomisë globale.

Për këtë çështje, drejtori i Instituti Kërkimor të Shkencave Fiskale pranë Ministrisë së Financave të Kinës Jia Kang komenton, duke u bazuar në raportin e Kongresit të 18-të.

"Në raport thuhet se 'çelësi i reformës së sistemit ekonomik qendron tek trajtimi i marrëdhënieve midis qeverisë dhe tregut. Nga njëra anë rregullat e tregut duhen respektuar, ndërsa nga ana tjetër qeveria duhet të luajë mirë rolin e saj'", thotë Jia Kang. (Wang Xianya/ Ardi Pulaj)