Kombet e Bashkuara paralajmërojnë se personeli i tyre është në rrezik pas shkëmbimit të zjarrit mes forcave qeveritare siriane dhe atyre opozitare në lartësirën Golan, ndërsa po rritet tensioni mes Sirisë dhe Izraelit.

Zëdhënësi i sekretarit të përgjithshëm të OKB-së Martin Nesirky tha të martën se Kombet e Bashkuara po i ndjekin me vëmendje luftimet mes ushtrisë qeveritare siriane dhe të armatosurve të opozitës.

Nesirky bëri të ditur në një konferencë për shtyp se gjatë shkëmbimit të zjarrit në zonën e ndarjes jo ushtarake mes Sirisë dhe Izraelit, kanë rënë së paku dy predha në territorin izraelit.

"Kjo ka shkelur rreptë Marrëveshjen e Mosangazhimit mes Sirisë dhe Izraelit të vitit 1974 dhe mund të rritë nivelin e tensionit mes dy vendeve. Kështu, edhe siguria e personelit të OKB-së do të jetë në rrezik", shtoi Nesirky. (Jiang Lei/Leftion Peristeri)