Kongresi i 18-të Kombëtar i Partisë Komuniste të Kinës (PKK) zhvilloi të mërkurën takimin përgatitor para hapjes së punimeve.

Mbledhja, në të cilën u miratua lista e anëtarëve të Komitetit të përhershëm të përbërë nga 41 anëtarë, përfshirë edhe Hu Jintaon, u drejtua nga sekretari i përgjithshëm, Xi Jinping.

Organet partiake të krahinave të Kinës kanë zgjedhur gjithsej 2270 përfaqësues, të cilët janë miratuar nga Komitetit Qendror i PKK-së. Por pas publikimit të listave, dy prej anëtarëve ndërruan jetë, ndaj në to janë emrat e 2268 përfaqësuesve që do të marrin pjesë në Kongres.

Në takim u miratua edhe projekti i punimeve të Kongresit të 18-të, i cili do t'i paraqitet delegaconeve për shqyrtim. (Vera/ Ardi Pulaj)