Zëdhënësi i Ministrisë së Jashtme të Kinës Hong Lei u shpreh të hënën se diplomatët kinezë nuk do të bëjnë asnjë lëshim për çështjet e sovranitetit në bisedimet e ardhshme me homologët e tyre japonezë.

Z. Lei i tha këto kur i informoi gazetarët rreth bisedimeve mes drejtorit të përgjithshëm të Drejtorisë së Çështjeve Aziatike në Ministrinë e Jashtme kineze Luo Zhaohui dhe drejtorit të përgjithshëm të Zyrës së Azisë e Oqeanisë në Ministrinë e Jashtme të Japonisë Shinsuke Sugiyama. Luo dhe Sugiyama zhvilluan dy ditë konsultime për ishujt Diaoyu, në përgatitje për raundin e ardhshëm të konsultimeve diplomatike në nivel zëvendësministrash.

"Luo përsëriti qëndrimin solemn të Kinës për sovranitetin mbi ishujt Diaoyu dhe tha se Kina është e gatshme për zgjidhjen e mosmarrëveshjeve nëpërmjet bisedimeve, por kurrë nuk do të bëjë ndonjë lëshim lidhur me sovranitetin. Japonia duhet ta kuptojë qartë këtë," theksoi Hong.

Kina është shprehur prerë se do të mbrojë sovranitetin e vet në konsultimet e ndryshme me palën japoneze dhe e ka nxitur Tokion të ndreqë gabimet e saj. (Artani)