Forcat siriane qeveritare dhe kryengritësit kanë vijuar shkëmbimin e zjarrit në Alepo dhe në periferinë e Damaskut.

Ndërkohë, opozita bëri thirrje për formimin e një qeverie kalimtare.

Sipas raportimeve të televizionit Al Xhazira, konfliktet ushtarake mes ushtrisë qeveritare dhe të armatosurve të opozitës shkaktuan së paku 126 viktima.

Ndërsa, afro 200 përfaqësues të Këshillit Kombëtar Sirian dhe Ushtrisë Çlirimtare Siriane zhvilluan një takim në Stamboll, ku bënë thirrje për formimin e qeverisë kalimtare në Siri.

Në këtë takim u kërkua formimi i një qeverie kalimtare me përfaqësim të gjerë dhe u miratua deklarata, ku bën thirrje për shmangien e konflikteve brenda fraksioneve opozitare, për të fituar mbështetjen nga vendet arabe dhe komuniteti ndërkombëtar.

Në këtë deklaratë thuhet gjithashtu se pjesëmarrësit në këtë mbledhje ranë dakord që të krijohet një komision nismëtar, që përgjigjet për studimin dhe diskutimin e propozimeve të opozitës. (Jiang Lei/Albana)