Gjermania nuk do të ndryshojë llogaritjen e borxhit të palës greke, tha zëdhënësi i qeverisë Steffen Seibert.

"Po të ndryshojmë edhe një herë llogaritjen e borxhit të Greqisë, kjo do të jetë në kundërshtim të neneve përkatëse të Kushtetutës së vendit për financat publike. Për më tepër, mund të dëmtojë edhe reputacionin e kreditimit të qeverisë greke, duke i krijuar më shumë vështirësi qeverisë gjermane në ndihmën e ardhshme për krizën e borxheve", tha ai.

Qeveria greke po zhvillon bisedime me ekspertët e Trojkës (Komisioni Europian, Banka Qendrore Europiane dhe Fondi Monetar Ndërkombëtar) për politikat shtrënguese dhe reformat konkrete në mënyrë që ndërkombëtarët të japin ndihmën e rradhës me një vlerë prej 31.5 miliardë eurosh.

Mirëpo deri tani palët nuk kanë arritur një marrëveshje. Ndërkohë, Greqia kërkon nga vendet e Eurozonës që po japin borxh të ndryshojnë mënyrën e llogaritjes, duke thënë se një gjë e tillë do ta ndihmojë të dalë nga situata e vështirë ekonomike. (Çan Jean/ Ardi Pulaj)