Kryeministri grek, Antonis Samaras bëri thirrje për unitet në një kohë kur Greqia po përballet me shkurtime të reja në buxhet. Samaras pati një takim të ri me liderët e dy partive të tjera në qeverinë e koalicionit, takim ky që përfundoi pa asnjë marrëveshje përfundimtare mbi shkurtimet.

Paketa e re e shkurtimeve që kap shifrën e 13.5 miliardë eurove është një parakusht për të siguruar fonde të mëtejshme për të shpëtuar Greqinë në mesin e nëntorit, me qëllim që të evitohet falimentimi dhe një dalje e mundshme nga Eurozona.

Sipas vlerësimeve zyrtare, Greqisë mund t'i mbarojnë paratë më 16 nëntor.

Athinës i duhet arritja e një marrëveshjeje mbi paketën, përpara takimit vendimtar me Eurogrupin më 12 nëntor. (Albana)