Programi Botëror i Ushqimit i OKB-së vuri në dukje të shtunën në Gjenevë se deri në fund të shtatorit 2012 ka ofruar ndihma ushqimore për 1.5 milionë sirianë, e thënë ndryshe, 50 mijë vetë më shumë në krahasim me numrin e planifikuar një vit më parë.

Udhëheqësi i Programit Botëror të Ushqimit për Lindjen e Mesme, Azinë Qendrore, Afrikën e Veriut dhe Europën Lindore, Daly Belgasmi, bëri të ditur gjatë konferencës së shtypit se furnizimi me ushqime është kthyer në një sfidë të madhe për shkak të përshkallëzimit të situatës në Siri. Ai shtoi se megjithëse çmimi i ushqimeve në Siri po rritet vazhdimisht, siguria e tyre është në përkeqësim.

"Duhet të përgatitemi për dimrin që po vjen," theksoi z. Belgasmi. (Yin Xiao/Albana)