Media në Japoni shkruajnë për një prani të lartë të anijeve patrulluese kineze në zonë detare të ishullit Diaoyu. Duke komentuar njoftimet e medieve, Ministria e Mbrojtjes e Kinës thotë se është e drejtë dhe e ligjshme që anijet kineze zhvillojnë stërvitje dhe lundrim në hapësirat përkatëse detare. Nga ana tjetër Ministria e Mbrojtjes ka kërkuar tërheqjen e avionëve ushtarakë të Japonisë, të cilët janë dërguar në hapësirën detare të ishujve Diaoyu duke shkelur rëndë sovranitetin e Kinës.

"Po i kushtojmë vëmendje veprimeve të palës japoneze dhe bëjmë thirrje për të ndaluar çdo veprim që mund të komplikojë situatën", thotë Ministria e Mbrojtjes.

Sipas njoftimeve të televizionit "NHK" të martën, një avion vëzhgues i Japonisë konfirmoi se 7 anije ushtarake kineze shkuan nga Paqësori në Detin Lindor, hapësirë detare që ndodhet afro 200 kilometra larg ishullit Diaoyu. (Du/Leftion Peristeri)