Zyra e Zëdhënësit të Shtypit të Sekretarit të Përgjithshëm të OKB-së deklaroi të mërkurën se i dërguari i posaçëm i OKB-së për Sirinë Lakhdar Brahimi ka arritur në Xhedah të Arabisë Saudite, duke nisur vizitën e tij të dytë në Lindjen e Mesme që prej marrjes së detyrës.  

Sipas deklaratës, Xhedahu është ndalesa e parë e kësaj vizite. Kriza e Sirisë do të jetë në fokus të takimeve midis z. Brahimi dhe zyrtarëve sauditë.

Dy ditë më parë Sekretari i Përgjithshëm i OKB-së Ban Ki Mun shpalli pas një takimi me presidentin francez Fransua Holand se z. Brahimi do të shkojë në Siri, Turqi dhe vende të tjera të Lindjes së Mesme, me qëllim për të diskutuar lidhur me arritjen e një armëpushimi ndërmjet qeverisë siriane dhe opozitës. (Yin Xiao/Artani)