Nga 11 shtatori, Qendra Meteorologjike e Kinës filloi të publikojë nëpërmjet televizionit kombëtar (CCTV) parashikimet e motit mbi ishujt Diaoyu dhe ujërat rreth tyre. Ndërsa në kanalin e Lajmeve të CCTV-së, Drejtoria Kombëtare Oqeanike e Kinës do të publikojë parashikimet e mjedisit oqeanik rreth ishujve Diaoyu.

Ishulli Diaoyu dhe ishujt rreth tij që nga lashtësia janë pjesë të territorit kinez. Kështu, parashikimi i motit dhe mjedisit oqeanik në këtë zonë është detyrë e rëndësishme e këtyre institucioneve.

Ndërkohë, parashikimet e tilla kanë rëndësi të madhe për garantimin e sigurisë së peshkatarëve dhe anijeve të peshkimit, pasi në ujërat përkatëse shpeshherë ndodhin fatkeqësi të ndryshme oqeanike.

Më herët, parashikimet oqeanike të Kinës ishin mbi vetëm gjendjen e përgjithshme në ujërat e Detit të Kinës Lindore. Që nga 11 shtatori, të gjitha parashikimet do të bëhen në mënyrë më të hollësishme dhe do të jepen të dhënat e sakta mbi këtë zonë. (Jiang Lei/Leftion Peristeri)